O
Consello da Xunta abordou hoxe un informe sobre a tramitación de
emerxencia para a contratación do servizo de transporte sanitario
urxente da área de Vigo.
Esta
contratación terá unha duración de seis meses, coa posibilidade de
prórroga por outros tres, en que a Consellería de Sanidade, a
través de Urxencias Sanitarias de Galicia-061, tramitará un novo
contrato do servizo por procedemento aberto.
O
servizo de transporte sanitario urxente terrestre na área de Vigo,
que comprende os concellos de Vigo, Cangas do Morrazo e Moaña, é un
servizo esencial para a poboación que debe seguir a prestarse, logo
da comunicación da actual empresa da imposibilidade de continuar coa
prestación do servizo.
O
orzamento do servizo de transporte sanitario urxente terrestre na
área de Vigo recollido neste procedemento de emerxencia ascende a
2.901.952,48 euros, IVE exento. Está prevista a posible prórroga,
por un período de 3 meses e cun importe de 1.380.169,82 euros. O
contrato de emerxencia fixa a entrada en vigor para a prestación do
servizo no 1 de xuño de 2024.
Garante
a continuidade e a calidade do servizo
Deste
xeito, a Consellería de Sanidade, a través da Fundación Pública
Urxencias Sanitarias de Galicia-061, garante a continuidade e a
calidade da prestación do servizo de transporte sanitario urxente
nos concellos de Vigo, Cangas do Morrazo e Moaña e segue a prestar a
mellor asistencia ás urxencias e ás emerxencias extrahospitalarias
no punto en que se atope o paciente.
Co
procedemento de emerxencia do que foi informado hoxe o Consello da
Xunta, a Consellería de Sanidade trata de axilizar a contratación
deste servizo esencial coa maior brevidade, para seguir a cumprir co
seu compromiso coa eficacia, a eficiencia e a calidade desta
actividade sanitaria asistencial para a poboación galega.
A
Xunta garante a atención ás urxencias e ás emerxencias sanitarias
no medio extrahospitalario as 24 horas, os 365 días do ano, nos
concellos de Vigo, Cangas do Morrazo e Moaña.