A exposición itinerante do V Concurso de Carteis para Escolares relacionado coa Doazón e os Transplantes estará ao longo do día de hoxe e ata o 31 de maio, na entrada principal do Hospital Lucus Augusti de Lugo. A mostra recibiu a visita de Marisa López, Directora da ADOS, Fernando Fernández, Director de Atención Hospitalaria do HULA, Juan Pérez, Subdirector de Enfermaría, Mª Gloria Enríquez, Supervisora de Humanización, Montserrat Ortiz, Coordinadora de Transplantes, Mª Cristina López, Concelleira de Participación e Servizos para a Veciñanza, Dra. Ángeles Cobas, Hematóloga do hospital e o equipo de ADROVI co seu presidente Celso García, quen promove esta iniciativa na que todos os anos participan centos de alumnos de toda Galicia dos niveis de Educación Primaria e Educación Secundaria Obrigatoria (ESO).

No transcurso desta visita, Celso García Estévez fixo entrega, á Jimena Domínguez García e a Tamara Suárez Peláez, alumna e profesora do CEIP Vista Alegre de Burela, dun recoñecemento como gañadoras do primeiro premio do V CONCURSO ESCOLAR DE CARTEIS .               

Carteis premiados

Así, na V edición do Concurso Escolar de Carteis relacionado coa Doazón e os Transplantes, resultaron premiados na categoría de 5º e 6º de Educación Primaria, co primeiro premio “Non importa o órgano, agora toca doar e salvar vidas” de Jimena Domínguez García do CEIP Vista Alegre (Burela); e o segundo premio recaeu no traballo “Transplanta vida. Doa” de Greta Abella Álvarez do CEIP Castrelo de Miño.

Na categoría de primeiro ciclo da ESO, resultou gañador o traballo “Doa tempo” de Ainara Solla González do Colexio Sagrado Corazón de Jesús (Pontevedra) e o segundo premio foi para “Vivir ou non vivir, esa é a cuestión” de Débora Yáñez Cid do IES Escolas Proval (Nigrán).

Con esta iniciativa, o Servizo Galego de Saúde e a Axencia de Doazón de Órganos e Sangue, xunto coas Consellerías de Sanidade e de Educación da Xunta de Galicia, buscan achegar a realidade dos transplantes aos escolares, para que a poboación máis nova valore os beneficios do fomento da doazón da sangue.