​

A vicepresidenta do Parlamento de Galicia, Elena Candia, saudou aos doantes que esta mañá acudiron ata a unidade móbil da Axencia Galega de Doazón de Órganos e Sangue (ADOS) que se desprazou ata a Cámara lexislativa autonómica.

A vicepresidenta do Parlamento tivo verbas de agradecemento para os cidadáns que doan sangue de xeito habitual pero, especialmente nesta ocasión, para os deputados, deputadas, traballadores e traballadoras da Cámara galega.

As unidades móbiles de ADOS teñen visitado en 23 ocasións, desde o ano 2001, o Parlamento de Galicia, acadando, no transcurso destas visitas, 543 doazóns de sangue. Esta visita forma parte das campañas de doazón que a Axencia realiza en empresas e organismos públicos e que resulta fundamental para aumentar o número de doazóns.