A XUNTA INCORPOROU NOS ÚLTIMOS ANOS 26 RETINÓGRAFOS AOS CENTROS DE SÁUDE NO MARCO DO PLAN GALEGO DE ATENCIÓN PRIMARIA
EnviarImprimirPDF
FacebookTwitterMeneame
22 01 2022
 
O Conselleiro de Sanidade, Julio García Comesaña, participou este sábado na 48ª edición da Reunión da Sociedade Galega de Oftalmoloxía. Ademais de loar o labor da entidade, tamén puxo de manifesto o seu compromiso coa transferencia do coñecemento. Así, salientou a aposta pola formación continua dos profesionais e indicou que eses coñecementos redundan no fortalecemento do sistema sanitario.
 
Dende a Xunta establécese un compromiso cos retos que se presentan neste campo: o servizo de e-Interconsulta electrónica facilita o traballo dos profesionais da Atención Primaria, ao tempo que evita as derivacións á atención hospitalaria e os desprazamentos dos pacientes. No caso dos servizos de Oftalmoloxía esta modalidade de consulta non presencial está instaurada en todas as áreas e no 2021 realizáronse un total de 6.302 interconsultas.
 
Apóstase pola formación en Retinografías na Atención Primaria. O ano pasado realizáronse 2 edicións. Unha formación que contribúe a que os profesionais poidan sacarlle o máximo partido aos novos equipos que se están a adquirir.
 
Destináronse máis de 8,5 millóns de euros á renovación do equipamento sanitario, electromédico e mobiliario dos centros de saúde, no marco do Plan Galego de Atención Primaria 2019-2021. Dentro destes orzamentos comprendíase a adquisición de 26 retinógrafos, cun investimento de máis de 500.000 euros, elevando a máis de 50 o número destes equipos presentes nos centros de saúde de todas as áreas.
 
A presenza en Atención Primaria destes equipos e de profesionais formados para utilizalos permitiu no ano 2021 a realización de máis de 10.500 retinografías.
 
No ámbito dos hospitais comarcais avanzouse na incorporación á área de oftalmoloxía de equipos como un Tomógrafo de Coherencia Óptica e un Biómetro.
 
Por outra banda, no Servizo de Oftalmoloxía do Hospital de Cee fíxose o anuncio hai uns meses da posta en marcha das consultas de retina médica e tratamentos intravítreos que afectan á retina.  Medidas que buscan a redución dos desprazamentos dos pacientes.
 

 

EnviarImprimirPDF
FacebookTwitterMeneame
Xunta de Galicia © Xunta de Galicia. Información mantenida y publicada en internet por la Consellería de Sanidad - Servicio Gallego de Salud