OS HOSPITAIS GALEGOS PRECISAN SANGUE DOS GRUPOS A POSITIVO, 0 NEGATIVO E 0 POSITIVO E PIDEN A PARTICIPACIÓN DA CIDADANÍA
EnviarImprimirPDF
FacebookTwitterMeneame
21 04 2022

A Axencia de Doazón de Órganos e Sangue (ADOS) , chama ás galegas e galegos á participar na doazón de sangue, en especial aos doantes A Positivo, 0 Positivo e 0 negativo. As reservas destes tres grupos sanguíneos presentan niveis baixos, polo que é preciso reforzar o permanente chamamento á participación nas campañas de doazón que realiza a Consellería de Sanidade por mediación de ADOS.

As xornadas festivas de Semana Santa afectaron aos niveis de reserva dos diferentes grupos sanguíneos, sendo preciso relanzar a constante solicitude á doazón de sangue. Polo que cómpre  lembrar que os centros sanitarios de Galicia necesitan entre 400 e 500 diarias para desenvolver de maneira eficaz as súas tarefas sanitarias.

 

En moitos dos labores asistenciais que se realizan a diario nos hospitais de Galicia son imprescindibles os compoñentes sanguíneos. En períodos vacacionais pode baixar o número de doazóns, pero non acontece o mesmo coa demanda de sangue e os seus derivados que precisan os centros sanitarios. Por iso, é imprescindible a xenerosidade e altruísmo de todos os cidadáns, polo que ADOS solicita un esforzo especial para incrementar as reservas de sangue.

Campaña universitaria
​Nestes momentos, estase a desenvolver a segunda fase da campaña de doazón de sangue #reto 5000  nas tres universidades galegas, onde as unidades móbiles de ADOS percorren os campus das sete cidades, e na que a comunidade universitaria pode amosar a súa solidariedade e altruísmo neste intre. 
Ademais, as distintas unidades móbiles da Axencia de Doazón de Órganos e Sangue visitarán nestes días diferentes concellos galegos para conseguir as doazóns precisas que garantan o desenvolvemento do gran labor asistencial dos distintos centros sanitarios de Galicia.
 
ADOS espera contar de novo coa solidariedade da cidadanía galega nos seguintes desprazamentos:
 
 
DATA
CONCELLOS
Xoves 21 de abril
E.U Enfermería e Podoloxía (ferrol, Edi. Administrativo Xunta e Matogrande (A Coruña), Muxía, Megreira, F. Química (Santiago), F. Fisioterapia e Enx. Forestal (Pontevedra), Salvaterra do Miño, Torrecedeira (Vigo), Valadouro, Antas de Ulla, Viana do Bolo
Venres 22 de abril
O Vicedo, Monte Alto e Cantón-Obelisco (A Coruña), Boiro,Lestedo, Vilagarcía, Nigrán, Navia (Vigo), Monforte, Allariz
Sábado 23 de abril
Cantón-Obelisco (A Coruña), Boiro, Vilagarcía, Nigrán, Palas de Rei
 
Ademais, tamén se pode doar sangue nos locais de doazón existentes nas sete grandes cidades galegas:
 
CENTRO
HORARIO 
HOSPITAL CLÍNICO UNIVERSITARIO DE SANTIAGO
Luns a venres das 8.00 ás 22.00 horas
Sábado das 8.00 ás 15.00 horas
HOSPITAL UNIVERSITARIO DA CORUÑA
Luns a venres das 8.00 ás 22.00 horas
Sábado das 8.00 ás 15.00 horas
HOSPITAL ARQUITECTO MARCIDE DE FERROL
Luns das 15.00 ás 22.00 horas
Martes, mércores e xoves das 08.00 ás 15.00 horas
Venres das 8.00 ás 22.00 horas
HOSPITAL LUCUS AUGUSTI DE LUGO
Luns e venres das 15.00 ás 22.00 horas
Martes, mércores e xoves das 08.00 ás 15.00 horas
HOSPITAL UNIVERSITARIO DE OURENSE
Luns e venres das 15:00 ás 22:00 horas
Martes, mércores e xoves das 8:00 ás 15:00 horas
HOSPITAL PROVINCIAL DE PONTEVEDRA
Luns e venres de 08.00 ás 15.00 horas
Martes, mércores e xoves das 15:00 ás 22:00 horas
HOSPITAL NICOLÁS PEÑA DE VIGO
Luns a venres das 8.00 ás 22.00 horas
Sábados das 8.00 ás15.00 horas
 
Doar é moi sinxelo e seguro
Pode doar sangue calquera persoa maior de idade, que pese máis de 50 quilos e que non padeza nin teña padecido enfermidades transmisibles polo sangue. A doazón de sangue é un acto sinxelo que permite a moitas persoas solucionar o seu problema de saúde e mesmo salvar vidas. Ademais, sinalar que sempre están presentes as máis rigorosas medidas de seguridade.
 
Para máis información, ADOS dispón do sitio web: ados.sergas.gal, as redes sociais, e o teléfono gratuíto de información 900 100 828, para resolver calquera dúbida relacionada coa doazón de sangue ou coñecer a data dos desprazamentos das unidades móbiles.

 

 

EnviarImprimirPDF
FacebookTwitterMeneame
Xunta de Galicia
© Xunta de Galicia. Información mantenida y publicada en internet por la Consellería de Sanidad - Servicio Gallego de Salud
Internet y tú | Contacte
rss