A AXENCIA DE DOAZÓN DE ÓRGANOS E SANGUE CONVIDA Á CIDADANÍA A DOAR NESTA PRIMEIRA PONTE FESTIVA DE DECEMBRO E SALIENTA A IMPORTANCIA DE AUMENTAR AS DOAZÓNS DOS GRUPO A POSITIVO, CERO POSITIVO E CERO NEGATIVO
EnviarImprimirPDF
FacebookTwitterMeneame
02 12 2022
Axencia de Doazón de Órganos e Sangue (ADOS) invita á cidadanía galega a doar sangue nas xornadas previas á primeira ponte festiva do mes de decembro. ADOS subliña que, nestes momentos, precísase aumentar o número de doazóns dos tipos A Positivo, Cero Positivo e Cero Negativo, xa que, ao longo das últimas semanas detectouse un incremento da demanda destes grupos sanguíneos.

As pontes festivas e os períodos de vacacións precisan dun reforzo no chamamento á cidadanía xa que, nestas épocas do ano, pode descender o número de doazóns pero non acontece o mesmo coa demanda de compoñentes sanguíneos por parte dos hospitais. Neste sentido, lembrar que, todos os días, Galicia precisa entre 400 e 500 doazóns de sangue para asegurar o correcto funcionamento dos centros sanitarios galegos. 
 

Desprazamentos

As dez unidades móbiles da Axencia de doazón de Órganos e Sangue visitarán, ao longo dos próximos días, máis de 30 concellos galegos para acadar a participación necesaria que garanta o desenvolvemento do intenso labor asistencial dos nosos hospitais.

ADOS espera contar coa solidariedade da cidadanía galega nas seguintes visitas:

DATAS E CONCELLOS

Sábado 3  decembro

Praza de España (Ferrol), Carballo , Ribeira, A Guarda, Nogueira de Ramuín, Xunqueira de Espadanedo.

Luns 5 decembro

As Pontes, Vimianzo, Coristanco, Bertamiráns (Ames), O Pino, Bueu, Salceda de Caselas, Navia (Vigo), Lourenza, Rúa do Paseo (Ourense)

Mércores 7  decembro

As Pontes, Catro Camiños (A Coruña), Curtis, Milladoiro (Ames), Trazo, Caldas de Reis, O Rosal, Navia (Vigo), Ribadeo, A Valenzá (Barbadas),

Venres 9  decembro

Bº San Valentín (Fene), Arteixo, Urb. Rialta (Oleiros), Noia, Negreira, Centro comercial Travesía de Vigo, Marín, Praza Maior (Lugo), Ribadavia

Sábado 10 decembro

Arteixo, Noia, Centro Comercial Travesía de Vigo, Praza maior (Lugo)

Ademais, tamén se pode doar sangue nos locais de doazón existentes nas sete grandes cidades galegas, excepto os festivos martes e xoves:

HOSPITAL CLÍNICO UNIVERSITARIO DE SANTIAGO

Luns a venres das 8 ás 22 horas

Sábado das 8 ás 15 horas

HOSPITAL UNIVERSITARIO DA CORUÑA 

Luns a venres das 8 ás 22 horas

Sábado das 8 ás 15 horas

HOSPITAL ARQUITECTO MARCIDE DE FERROL

Luns das 15 ás 22 horas

Martes, mércores e xoves das 8 ás 15 horas

Venres das 8 ás 22 horas

HOSPITAL LUCUS AUGUSTI DE LUGO

Luns e venres das 15 ás 22 horas

Martes, mércores e xoves das 8 ás 15 horas

HOSPITAL UNIVERSITARIO DE OURENSE 

Luns e venres das 15 ás 22 horas

Martes, mércores e xoves das 8 ás 15 horas

HOSPITAL PROVINCIAL DE PONTEVEDRA

Luns e venres de 8 ás 15 horas

Martes, mércores e xoves de 15 horas a 22 horas

HOSPITAL NICOLÁS PEÑA DE VIGO

Luns a venres das 8 ás 22 horas

Sábados das 8 ás 15 horas

Doar é moi sinxelo e seguro

Pode doar sangue calquera persoa maior de idade, que pese máis de 50 quilos e que non padeza nin teña padecido enfermidades transmisibles polo sangue. A doazón de sangue é un acto sinxelo que permite a moitas persoas solucionar o seu problema de saúde e mesmo salvar vidas. Ademais, sinalar que sempre están presentes as máis rigorosas medidas de seguridade.

Para máis información, ADOS dispón do sitio web: ados.sergas.gal, as redes sociais, e o teléfono gratuíto de información 900 100 828, para resolver calquera dúbida relacionada coa doazón de sangue ou coñecer a data dos desprazamentos das unidades móbiles. 

EnviarImprimirPDF
FacebookTwitterMeneame
Xunta de Galicia
© Xunta de Galicia. Información mantenida y publicada en internet por la Consellería de Sanidad - Servicio Gallego de Salud