Vai case 30 anos, o entón
Complexo Hospitalario Juan Canalejo, fixo una aposta innovadora en sanidade, ao
incorporar na súa xestión os impactos ambientais que se producían nos seus
centros.
Dende entón e ata agora, foi
moito o camiño percorrido, situando á Área Sanitaria da Coruña e Cee como un
referente na xestión ambiental e sostibilidade no sector sanitario a nivel
autonómico e nacional. Contando cunha certificación
do sistema de xestión ambiental nos seus hospitais dende o ano 2016 e ampliando
o alcance este ano aos centros de Atención Primaria.
Os impactos dos centros sanitarios na saúde ambiental son de todo tipo e magnitude:
consumo de materias primas e como se obteñen; xeración de residuos sanitarios,
perigosos ou non, e como se tratan una vez fora dos centros; a contaminación da
auga con produtos químicos perigosos e outros que non o sendo, non son
biodegradables ou son persistentes; a contaminación do aire xerada de forma
directa polas instalacións do propio centro e a xerada na produción da enerxía
que se consume; así como os traslados dos pacientes, acompañantes e
traballadores.
Actividade medioambiental na Área Sanitaria
Os 94 edificios cos que conta a Área Sanitaria da
Coruña e Cee, consumen 69.185 kw/día de enerxía eléctrica e en torno a 770 m3
de auga ao día. Neles traballan mais de 7.500 profesionais e reciben cada día a
preto de 30.000 usuarios, dos mais de 550.000 habitantes cos que conta a área
sanitaria.
Todo este volume de actividade fai que se xeren mais
de 7 toneladas de residuos ao día, cantidade similar á que produce unha
poboación galega de mais de 7.000 habitantes.
Para contabilizar e medir todos estes impactos sobre o
medio ambiente úsase a pegada de carbono, que na nosa Área Sanitaria se
rexistra dende 2021.
Como institución pública, e dentro
da nosa responsabilidade social corporativa, unha prioridade é, como no podía
ser doutro xeito, o coidado do medio ambiente entendendo por elo tanto a
redución de residuos, reutilizando o non refugable, tanto a nivel clínico como
nos servizos de soporte, camiñando cara á concienciación e tamén cara ao confort
paisaxístico.
Para conseguir este obxectivo a
xestión dos centros sanitarios ten que apoiarse en 3 premisas: recoñecer e
valorar a relación que existe entre a saúde e o medio ambiente, incorporando
este valor na súa xestión; promover a saúde pública reducindo o seu impacto
ambiental e eliminando, en última instancia, a súa contribución á perda de
saúde; ademais de servir como exemplo e motor na promoción da saúde ambiental.
Entre os
temas máis importantes que se debaterán ao longo desta xornada figuran as distintas
experiencias de transformación medioambiental na Área Sanitaria da Coruña e
Cee, en servizos como o de cirurxía xeral, o de anestesia e reanimación ou o de
anatomía patolóxica, de cara a reducir o impacto ambiental que a actividade
destes servizos pode ocasionar ao medio ambiente.
Os profesionais dos centros sanitarios son unha parte fundamental do éxito da
xestión ambiental. Para iso o deseño de estratexias eficaces é fundamental para
a súa sensibilización, información e formación. Con isto conséguese unha
mellora substancial que reflicte nunha redución dos riscos laborais dos
profesionais da saúde que repercute directamente na seguridade para o paciente.