UN TOTAL DE 33 ESTUDANTES DE SEXTO DE MEDICINA COMEZAN A REALIZAR O SEU ÚLTIMO CURSO NO COMPLEXO HOSPITALARIO UNIVERSITARIO DE PONTEVEDRA
EnviarImprimirPDF
FacebookTwitterMeneame
11 09 2023

A Área Sanitaria de Pontevedra e O Salnés recibiu hoxe a 33 estudantes de Sexto de Medicina da Universidade de Santiago de Compostela, que inician o seu curso académico no Complexo Hospitalario Universitario de Pontevedra. Ao longo desta semana, estes alumnos comezan o seu plan de formación práctica, no que rotarán por diversos servizos especializados dos hospitais Montecelo e Provincial, do centro de especialidades de Mollabao e do centro de saúde de A Parda. 

Divididos en dous grupos, estes 33 alumnos de sexto curso de Medicina levarán a cabo rotacións, regradas e obrigatorias, por servizos coma Pediatría, Rehabilitación, Nefroloxía, Psiquiatría, Obstetricia e Xinecoloxía, Psiquiatría, Pneumoloxía, Neuroloxía, Medicina Interna, Urxencias, Cirurxía Xeral e Medicina Familiar entre outros, sempre baixo a supervisión dos seus respectivos titores coordinadores. 

Así mesmo, estes alumnos tamén terán a oportunidade de achegarse a outros servizos do Complexo Hospitalario Universitario de Pontevedra das áreas médica, cirúrxica, médico-cirúrxica, de Medicina Familiar e Comunitaria, de Urxencias e servizos centrais, da área clínica obstétrica e xinecolóxica, da área clínica pediátrica e clínica psiquiátrica para, finalmente, ser avaliados ao remate do curso académico.

Noveno ano impartindo o último curso do grao de Medicina

Este é o noveno ano que o Complexo Hospitalario Universitario pontevedrés imparte de xeito completo o último curso do grao de Medicina, trala súa declaración coma hospital universitario a finais do ano 2012.

Grazas a este plan de formación, os estudantes benefícianse de poder realizar a totalidade do último curso de Medicina nun entorno sanitario de recoñecido prestixio, tanto polas súas instalacións coma polos seus profesionais, a través dun completo programa rotatorio de prácticas, no que contarán de xeito continuado co apoio dun titor coordinador. 

No que atinxe ao plan de formación, as liñas de traballo deste programa afondan nas competencias máis específicas, afianzando os coñecementos globais previos, acadando un maior aproveitamento dos recursos do Servizo Galego de Saúde e a homoxeneización da docencia no eido sanitario.

EnviarImprimirPDF
FacebookTwitterMeneame
Xunta de Galicia
© Xunta de Galicia. Información mantenida y publicada en internet por la Consellería de Sanidad - Servicio Gallego de Salud