Santiago, 18 de outubro de 2023.- Profesionais da Unidade de Coidados Intensivos da
Área Sanitaria de Santiago de Compostela e Barbanza organizaron ao longo da
mañá actividades formativas e informativas sobre a importancia da masaxe
cardíaca dirixidas á poboación xeral. Sumáronse así á celebración do Día
Europeo de Concienciación ante o Paro Cardíaco que se conmemorou o pasado día
16. Máis de 100 interesados puideron
aprender, sobre 8 bonecos simuladores, técnicas de resucitación cardiopulmonar
(RCP) unha masaxe que axuda a salvar vidas.
En España
prodúcense 25.000 paradas cardíacas anuais fora da contorna hospitalaria. En
Europa medio millón, é dicir a nivel europeo ten lugar unha parada por minuto. “Destas
paradas cardiorrespiratorias que se producen no noso país, un 50% son atendidas
por testemuñas e delas en só un 30% se emprega un desfibrilador”, segundo
destaca Pedro Rascado, xefe de Servizo da UCI compostelá.
Por outra banda,
nos últimos anos demostrouse que o uso de técnicas de reanimación
cardiopulmonar de calidade nos primeiros 4 minutos e o emprego precoz de
desfibrilador, nos 10 primeiros minutos, aumenta 3 veces a supervivencia dos
individuos que a sofren. Pero soamente un 35% ao 45% das testemuñas inicia a
reanimación.
“Formar á poboación en reanimación cardiopulmonar é unha recomendación da
Comisión Europea e unha necesidade social”, destaca a xerente da área
sanitaria, Eloína Núñez, quen visitou a actividade que tivo lugar no hall
A maioría das
paradas cardíacas prodúcense na vía pública, no lugar de traballo e sobre todo
no domicilio, polo que os primeiros realizadores van ser familiares e
testemuñas. “De aí a importancia que ten que se difunda unha formación que sexa
homoxénea e de calidade, para que sexa xeneralizada, empezando desde centros
educativos”, destaca o responsable da UCI compostelá.
Por outra banda,
tamén é fundamental a formación continuada en RCP no persoal sanitario, de
xeito que o servizo de Medicina Intensiva organiza talleres de “reciclaxe” para
persoal facultativo e de enfermería de todos os hospitais da área sanitaria. No
último ano actualizaron a súa formación en RCP con diferentes cursos, incluíndo
simulación in situ e simulación de alta fidelidade, preto de 150 traballadores
cunhas 200 horas de formación impartida polo servizo
Lembrar por
último os pasos para realizar unha correcta reanimación cardiopulmonar:
1. COMPROBA: Confirma que é seguro achegarche. Comproba se a
vítima responde. Inclina a cabeza cara atrás, eleva o queixo e comproba a
respiración. Se non respira ou non o fai con normalidade, é necesario facer RCP
avisando aos servizo sanitarios de forma precoz, iniciando de inmediato as
compresións cardíacas a unha velocidade entre 100 e 120 compresións por minuto
, cunha profundidade non menor de 5 e non pasar de 6 cm. O propio servizo de
emerxencia de forma telefónica van guiar de como realizar as manobras e de se
temos próximo un desfibrilador público.
2. CHAMA: Chama ao 112 e segue as súas instrucións. Se hai
alguén que poida axudarche, pídelle que chame ao 112, e pide que traia un DEA
As compresións torácicas son o máis importante para a supervivencia. Non
atrases nin interrompas as compresións torácicas.
3.
COMPRIME Coloca ambas as
mans sobre o centro do peito. Comprime o peito entre 5 e 6 cm, 100-120 veces por
minuto ao ritmo do “Stayin ́Alive” Se sabes como facelo, administra 2
ventilacións de rescate cada 30 compresións, se non comprime o peito de forma
continua Comprime forte e rápido Non te preocupes, non podes facerlle dano
Cando chegue o DEA, acéndeo inmediatamente e segue as instrucións Cando chegue
o Servizo de Emerxencias, continua ata que che digan que pares.
Saúdos,