XUNTA E CONCELLO DE CEE COLABORAN PARA LEVAR A CABO ACTUACIÓNS QUE REDUNDARÁN NA MELLORA DA EFICIENCIA ENERXÉTICA DO CENTRO DE SAÚDE DE CEE
EnviarImprimirPDF
FacebookTwitterMeneame
06 02 2024

A Xunta remite, para a súa sinatura, o convenio de colaboración ao concello de Cee, no que se establecen as bases de financiamento, por importe de máis de 60.000 euros, para levar a cabo o acondicionamento térmico do inmoble mediante a renovación das carpinterías exteriores e a substitución do xerador térmico para o servizo de calefacción. 

Así, o contrato de obra será licitado e tramitado polo Concello, e o seu financiamento será compartido entre ambas administracións, asumindo a Xunta o 90% do custe da actuación. 

Segundo a memoria presentada polo Concello para acompañar a tramitación deste convenio, as actuacións que se levarán a cabo teñen por finalidade a mellora da eficiencia enerxética do inmoble mediante a renovación do equipo xerador de calor empregado no sistema de calefacción, obxecto de varias avarías e cun baixo rendemento, así como cun alto consumo de combustible e xeración de residuos. 

Ademais, tamén levarase a cabo a modificación da instalación eléctrica para a instalación dos novos equipos e a retirada e inertación do depósito de gasóleo existente. 

 
EnviarImprimirPDF
FacebookTwitterMeneame
Xunta de Galicia
© Xunta de Galicia. Información mantenida y publicada en internet por la Consellería de Sanidad - Servicio Gallego de Salud