O Diario Oficial de Galicia publica o lugar e a data de realización dos exercicios da fase de oposición do grupo auxiliar da función administrativa do Sergas
EnviarImprimirPDF
FacebookTwitterMeneameTuenti
Sistema de lectura automática del Sergas Lectura automática
» Axuda
.
25 03 2019
O Diario Oficial de Galicia (DOG) publica, na súa edición de hoxe, o lugar e a data de realización dos exercicios da fase de oposición do proceso selectivo convocado por Resolución do 1 de marzo de 2018 para o ingreso na categoría de grupo auxiliar da función administrativa. As probas selectivas realizaranse no recinto da Feira Internacional de Galicia, en Silleda (Pontevedra) o domingo día 7 de abril, ás 15:30 horas.
 
Neste proceso ofértanse un total de 209 prazas, das cales 93 corresponden á quenda de acceso libre, 105 á de promoción interna, e 11 á de discapacidade xeral. En total resultaron admitidas 9.085 persoas aspirantes das cales 8.148 corresponden á quenda libre, 573  á de discapacidade xeral e 364 á de promoción interna.
 
Coordinación procesos selectivos no ámbito do Sistema Nacional de Saúde
Cómpre lembrar que os días 9 e 10 de marzo desenvolvéronse os exercicios da fase de oposición para o ingreso na categoría de celador. Como en anteriores procesos selectivos, para dar cumprimento ás esixencias de obxectividade e imparcialidade na selección dos aspirantes, reforzáronse as medidas de seguridade. Así púxose a disposición dos tribunais de selección dunha plataforma securizada para a elaboración de cada un dos exercicios da fase de oposición que garante a trazabilidade de todo o proceso e permite a selección aleatoria e automatizada das preguntas de exame.
 
Tamén está previsto que o vindeiro 12 de maio teñan lugar as probas selectivas para o acceso á categoría de enfermería.
 
Co desenvolvemento dos procesos selectivos para o acceso a estas tres categorías (celador, auxiliar da función administrativa e enfermería), o Sergas cumprirá cos compromisos de coordinación dos procesos selectivos entre as Comunidades Autónomas, adquiridos no ámbito da Comisión de Recursos Humanos do Sistema Nacional de Saúde.
 

 

EnviarImprimirPDF
FacebookTwitterMeneameTuenti
Xunta de Galicia
© Xunta de Galicia. Información mantenida y publicada en internet por la Consellería de Sanidad - Servicio Gallego de Salud
Internet y tú | Contacte
rss