OS CONCELLOS DE MOS E A POBRA DO CARAMIÑAL PASARÁN AO NIVEL ALTO DE RESTRICIÓNS O VINDEIRO LUNS
EnviarImprimirPDF
FacebookTwitterMeneame
04 06 2021

A Dirección Xeral de Saúde Publica vén de acordar descender ao nivel alto de restricións aos concellos de Mos e A Pobra do Caramiñal.
 
Así, tras avaliar a situación epidemiolóxica dos dous únicos concellos galegos nos que rexían as medidas do nivel máximo de restricións, e corroborar que a evolución de ambos cumpría cos criterios fixados polo comité clínico para baixar de nivel, o departamento sanitario galego decidiu que, desde o vindeiro luns, ambos municipios pasen a formar parte da listaxe de concellos en nivel alto.
 
Os restantes municipios galegos ficarán cos mesmos niveis de restrición actuais.
 
Esta medida entrará en vigor ás 00:00 horas do vindeiro luns, 7 de xuño.

 

EnviarImprimirPDF
FacebookTwitterMeneame
Xunta de Galicia
© Xunta de Galicia. Información mantida e publicada en internet pola Consellería de Sanidade - Servizo Galego de Saúde
Internet e ti | Contacte
rss