O
Consello da Xunta autorizou esta mañá a o expediente de
contratación do proxecto, execución e dirección facultativa da
reforma da Unidade
de Coidados
Intensivos
(UCI) do Hospital Universitario de Ourense. O importe total desta
licitación é de 9.441.868 euros e o prazo de execución establécese
en 21 meses.
Con
esta obra, o Hospital Universitario de Ourense renovará e triplicará
o espazo actual da súa unidade de coidados intensivos, que ampliará
as súas marxes dentro da cuarta planta do Edificio Cristal.
Levarase
a cabo unha adaptación de espazos para a implantación de tres
módulos da UCI cos seus correspondentes espazos asistenciais e
administrativos de apoio. Con esta obra, adecúanse os requirimentos
estruturais da UCI referidos á dimensión dos postos, á
configuración dos espazos e á climatización e conservación, de
xeito que permita a atención aos pacientes críticos con necesidades
de ingreso, cumprindo tanto a normativa vixente como a específica
relativa ao control da pandemia da COVID-19.
As
obras presentan unha alta complexidade, porque se desenvolverán no
mesmo núcleo do hospital, onde se sitúan as dúas unidades de
críticos: UCI e reanimación. Estes dous servizos son os que
precisamente se coordinaron e compartiron espazos para facer fronte á
demanda asistencial durante a pandemia.
Para
isto, foi preciso unha complexa reordenación dos espazos, tanto das
unidades de críticos como do bloque cirúrxico, que deberon
intercambiar áreas e trasladar parte da súa actividade. Á
complexidade derivada da súa localización, engádese a da súa
funcionalidade, para doentes críticos en xeral, incluíndo
pacientes contaxiosos, sendo ademais das máis exixentes
tecnicamente, xa que deberá dotarse
dunha
especial climatización, illada do resto do hospital, e actuar nas
fachadas, intervindo en dúas edificacións neste momento separadas.
Investimento
na sanidade pública de Ourense
Esta iniciativa forma parte dun ambicioso proxecto de futuro para a sanidade
pública ourensá, anunciado o pasado 2 de xullo polo presidente da
Xunta de Galicia, que prevé investimentos por valor de 120 millóns
de euros, tanto no eido hospitalario como no de primaria.
Este
proxecto xa tivo o
seu primeiro cumprimento coa licitación, nesa mesma data,
dunha obra de 52,6 millóns no Hospital
Universitario,
consistente nun novo edificio de hospitalización e da reforma do
hospital materno-infantil e, posteriormente, coa licitación a finais
de xullo do proxecto arquitectónico que permitirá converter o
Centro de Saúde Novoa Santos no primeiro Centro Integral de Saúde
da provincia grazas a un investimento que se achegará aos 9 millóns
de euros e que permitirá a súa reforma integral.