Hoxe celébrase o
Día Mundial do Farmacéutico, baixo o lema “Todos para un”, para lembrar o valor que
os farmacéuticos e as farmacéuticas teñen no proceso asistencial e no coidado da
saúde da poboación á que atenden.
Na Área
Sanitaria de Ourense, Verín e Valdeorras, máis de trinta profesionais traballan
nos tres hospitais públicos e en todos os Servizos de Atención Primaria, desde
os que dan soporte ao máis dun centenar de centros de saúde da provincia, ao
seu persoal e a súa poboación.
Farmacia é un
servizo central, e como tal asesora a todos os profesionais e servizos
sanitarios, participando de todo o proceso asistencial, desde o diagnóstico ao
tratamento. Ademais os seus especialistas están, cada vez mais, na atención
directa aos pacientes, desde as súas consultas hospitalarias e de atención
primaria, ademáis de integrados nos equipos clínicos, como nos Servizos de Oncoloxía
e Hematoloxía, onde o seu labor e ben coñecido, e recoñecido, polos pacientes e
o resto de profesionais.
O Servizo de
Farmácia da Área Sanitaria é referente, e pioneiro, na atención farmaceútica
aos usuarios de todas ás Residencias Sociosanitarias públicas, e tamén ás de
maior número de residentes, aos que se lles dispensa directamente a medicación,
ademais de asesorar ao seu persoal.
Atención aos
paciente crónicos
Os e as
farmaceúticas do Servizo Galego de Saúde teñen un papel clave na atención aos pacientes
crónicos, pluripatolóxicos e polimedicados, na súa maioría persoas de idade
avanzada, traballando da man co seu persoal médico e de enfermería de atención
primaria, na revisión dos seus tratamentos.
Son moitos os
cambios e avances nos últimos anos en prol da seguridade: A Prescrición electrónica,
a dixitalización e automatización dos procesos de recepción, almacenaxe e
dispensación da medicación, pero o factor humano, o coñecemento e experiencia
dos profesionais segue a ser indispensable, e non só para a preparación
fármacos a medida cando son precisos, ou para asesorar, controlar e garantir
senón para manter este complexo engranaxe funcionando.