O CONSELLEIRO DE SANIDADE INAUGURA A VII EDICIÓN DO ENCONTRO DE COMUNICACIÓN SANITARIA GREGORIO MARAÑÓN, QUE SE CELEBRA POR PRIMERA VEZ NA SÚA HISTORIA NA CORUÑA CON MOTIVO DO 50 ANIVERSARIO DO HOSPITAL
EnviarImprimirPDF
FacebookTwitterMeneame
25 11 2022

Os gabinetes de comunicación do Hospital General  Universitario Gregorio Marañón e do Complexo Hospitalario Universitario da Coruña organizaron o VII Encontro de Responsables de Comunicación Sanitaria, no que participaron máis de 80 profesionais de institucións sanitarias de toda España. A reunión foi inaugurada polo conselleiro de Sanidade, Julio García Comesaña, quen estivo acompañado polo delegado territorial da Xunta, Gonzalo Trenor.

Esta xornada, que conta coa colaboración do grupo Cardiva, é a única destas características que se celebra no noso país e ten como obxectivo analizar a comunicación sanitaria e o papel desempeñado polos gabinetes de prensa de hospitais e outras institucións sanitarias.

A comunicación é un elemento fundamental en calquera institución sanitaria

Quen se dedica a este labor leva a cabo accións que buscan atender as necesidades dos profesionais sanitarios a través da comunicación interna, ademais de envorcarse cos pacientes e as súas familias, con campañas que favorecen a información e o contacto entre eles. E, por suposto, dan resposta á demanda dos medios como canalizadores da información que precisan os cidadáns.

O programa do encontro, distribuído ao longo dun día, componse dunha inauguración institucional, seguida de mesas redondas e coloquios que promoven a participación e o intercambio de experiencias entre os asistentes.

Por último, entréganse galardóns ás mellores iniciativas en comunicación hospitalaria, presentadas en formato póster. Ademais, a axenda inclúe un xantar de traballo e unha cea de carácter informal que serve como peche da cita.

No ano 2022, a sétima edición desta reunión trasládase excepcionalmente ao Complexo Hospitalario Universitario da Coruña, para acompañar a esta institución sanitaria na celebración do seu 50º aniversario. Para iso, contará coa colaboración de Cardiva, Cardiva Galicia e iVascular.

Máis de 70 profesionais de institucións sanitarias de toda España participaron na convocatoria de 2021, que se centrou nas estratexias de comunicación fronte á Covid-19, unha época na que o traballo dos gabinetes de prensa dos hospitais foi inmenso. Desde esa edición e en diante, os organizadores conceden o Premio Gregorio Marañón ao mellor xornalista de hospital, que recoñece a dedicación de quen exerce o xornalismo desde o ámbito sanitario.

No acto de inauguración estiveron, ademais do presidente de Cardiva España, Ignacio Vega, o xefe de prensa do Hospital Universitario Gregorio Marañón,  David García, e o xerente da Área sanitaria da Coruña e Cee, Luís Verde Remeseiro.

 
EnviarImprimirPDF
FacebookTwitterMeneame
Xunta de Galicia
© Xunta de Galicia. Información mantida e publicada en internet pola Consellería de Sanidade - Servizo Galego de Saúde