A ÁREA SANITARIA DE SANTIAGO E BARBANZA CONTOU CON 38 DOADORES DE ÓRGANOS E REXISTROU 85 TRANSPLANTES O PASADO ANO 2022
EnviarImprimirPDF
FacebookTwitterMeneame
20 01 2023

- É a cifra máis alta rexistrada nos hospitais da comunidade no pasado ano e a segunda máis elevada acadada no hospital compostelá dende a posta en marcha do programa

-  25 foron de doadores en morte encefálica e 13 falecidos por parada cardio-respiratoria

- Con respecto aos transplantes realizáronse 32 de fígado e 53 ril no Clínico

- A coordinadora de doazón da Área Sanitaria de Santiago, Carmen Rivero, quere agradecerlle o traballo de todo o persoal que fai posible o complexo proceso pero, sobre todo, o altruísmo aos doantes e ás súas familias.

Santiago de Compostela, 20 de xaneiro de 2023.- Durante o pasado ano, 38 das persoas que faleceron no hospital Clínico de Santiago doaron os seus órganos fronte ás 25 que o fixeron no ano 2021, o que supón un incremento de máis do 50% no número do doadores.

 

Grazas á xenerosidade dos donantes e das súas familias, e ao traballo dos profesionais implicados, acadouse a cifra máis alta rexistrada este ano nos hospitais galegos e a segunda máis elevada obtida no noso hospital dende a posta en marcha do programa de doazón na década dos 80.

 

Do total de doadores, 25 foron en morte encefálica e 13 falecidos por parada cardio-respiratoria.

 

DOAZÓN E TRANSPLANTES ÁREA SANITARIA DE SANTIAGO E BARBANZA

1 xaneiro- 31 decembro 2022

 

 

 

 

 

2021

2022

 

 

DOANTES DE ÓRGANOS

25

38

 

 

TRANSPLANTES REALIZADOS

74

85

 

 

Fígado

34

32

 

 

Ril

40

53

 

 

O programa de doazón en asistolia, que se puxo en marcha no hospital compostelá no ano 2017, aportou no 2022 un 34% do total de doantes efectivos, consolidándose como a vía máis clara de expansión do número de doantes.

Amais destes doantes falecidos, noutros 5 casos foi a xenerosidade dun familiar a que evitou, ao doar un ril en vida, que 5 pacientes tiveran que entrar ou continuar en diálise  (dúas eran parellas, 2 irmáns e unha nai ao seu fillo).

Con respecto aos transplantes, realizáronse 32 de fígado e 53 de ril, que rexistrou un incremento do 33% con respecto ao 2021.

En total, a actividade global de transplantes (fígado+ril) incrementouse no CHUS nun 15%.

A xenerosidade dos doadores tamén permitiu realizar máis de 100 cirurxías oculares e implantar máis de 100 enxertos de tecido osteotendinoso.

Como é habitual, co obxectivo de transplantar cada órgano ao receptor máis adecuado e que máis o necesite, ao igual que se recibiron órganos doutros centros, tamén se enviaron órganos fóra. Concretamente, durante o ano 2022 enviamos a outros hospitais, dentro e fora da nosa comunidade, 34 riles, 14 pulmóns, 7 fígados, 3 corazón e 1 páncreas.

A coordinadora de doazón da Área Sanitaria de Santiago, Carmen Rivero, quere agradecerlle o traballo de todo o persoal que fai posible o complexo proceso pero, sobre todo, o altruísmo aos doantes e ás súas familias.

Actividade divulgativa

A Oficina de Coordinación de Doazón e Transplantes do CHUS fomenta a formación continuada entre o persoal propio e participa tamén en tarefas de formación e información social sobre o proceso de doazón e transplante, tanto no ámbito sanitario como no ámbito social.

 

Saúdos

 ​

EnviarImprimirPDF
FacebookTwitterMeneame
Xunta de Galicia
© Xunta de Galicia. Información mantida e publicada en internet pola Consellería de Sanidade - Servizo Galego de Saúde