O programa está a ser moi ben recibido polos pequenos e o persoal dos colexios e centros de saúde. De feito, está servindo para establecer lazos entre o persoal de ambos servizos públicos básicos, axudando a promover accións conxuntas de promoción e coidado da saúde e prevención da enfermidade.

Esta actuación é pioneira a nivel autonómico e comezou o pasado mes de maio no centro de saúde Bande, coa visita do CEIP Xoaquín Lorenzo, do mesmo concello, e seguidamente no de O Barco, a semana pasada, coa visita do CEIP Julio Gurriarán Canalejas.

Para moitos non é a primeira visita ao Centro de Saúde, pero si a máis especial. Nesta ocasión acompañados dos seus compañeiros e profesores. A visita, guiada polo propio persoal do centro, serve tamén para mostrarlles, desde outra perspectiva, o traballo do persoal médico e de enfermería, dándolles a coñecer tamén ao resto de profesionais do centro: traballo social, farmacia, odontoloxía, pediatría, fisioterapia, limpeza, servizos xerais, técnicos de emerxencias sanitarias, matrona, hixiene dental..... poñendo en valor ao conxunto das profesións.

​Ademais do persoal os visitantes tamén coñecen como funcionan os distintos equipos, desde a cadeira de brazos da unidade de saúde bucal, ao ecógrafo, as angarellas ou a ambulancia.

“Coñece o teu Centro de Saúde” realizarase ao longo deste ano en distintos servizos de de atención primaria cos colexios da súa área de referencia, continuando en Bande coa visita, o próximo martes, do CEIP Santa María A Real de Entrimo.