​O terceiro dos novos TAC destinados á Área Sanitaria de Ferrol xa está a activado dende esta semana no Hospital Naval do Complexo Hospitalario Universitario de Ferrol. Así, xa está completada a chegada da máis alta tecnoloxía en Radioloxía para o Complexo ferrolá, posto que xa están tamén a traballar os dous TAC do novo Servizo de Radioloxía do Hospital Arquitecto Marcide e as dúas Resonancias Magnéticas. Lembrar que un dos TAC é de fluoroscopia e outro espectral, o que facilita a rapidez e definición na toma de imaxes; e as Resonancias son unha de 1.5 Tesla e outra de 3 Tesla, situando ó Servizo de Radioloxía da Área ferrolá ó nivel tecnolóxico de grandes hospitais.

Recordar igualmente que o traslado de Radioloxía xa está completo. O traslado e activación foi progresiva para evitar afectar á actividade diaria, primeiro comezou a funcionar unha das novas resonancias, despois a ecografía convencional, a de mama e o mamógrafo. Posteriormente, a Radioloxía Convencional e os TAC, aparatos completamente novos, como se dicía un deles espectral, que é a máxima tecnoloxía existente neste eido. 

Esta mesma semana procedíase á retirada da vella Resonancia Magnética do antigo Servizo de Radioloxía, tras do que xa se poderán dar os seguintes pasos no Plan Director do Complexo coa demolición destes espazos para continuar con parte dun dos dous novos edificios, o este, proxectados.