Hoxe dia 16 e mañá día 17 de xuño, o salón de Actos do
CHUAC acolle a expertos nacionais e internacionais do ámbito da cardiopatía
conxénita, para avaliar a situación actual e as perspectivas de futuro na
abordaxe deste tipo de enfermidades.
As cardiopatías conxénitas son a consecuencia dunha malformación do corazón
ou dos vasos sanguíneos que envolven este músculo.
Normalmente son diagnosticadas en idades temperás o que permite controladas
e tratalas dende a infancia. A tendencia actual é o diagnóstico prenatal gracias ás novas técnicas de
ecografía fetal, que permiten un diagnóstico moi precoz ademais da programación
das actuacións posteriores dun xeito integral.
Desde o ano 1998, o Hospital Universitario da Coruña
conta cun programa estable de tratamento das cardiopatías conxénitas, o que fai
que sexa centro de referencia tanto a nivel autonómico, como nacional.
A asistencia a este tipo de
pacientes realízana cardiólogos e pediatras moi especializados, o que conleva
uns coñecementos e experiencia moi específica.
A esta xornada asistirán especialistas
tan relevantes no ámbito da Cardioloxía como o Dr.
Oktay Tutarel, do German Heart Centre Munich
& Technical University of Munich; o Profesor
Wei Li, do Royal Brompton Hospital,
Imperial College of London; ou o Dr.
Rafael Alonso González, do Toronto
Congenital Cardiac Centre for Adults, Ontario.