A
Fundación Pública Urxencias
Sanitarias de Galicia-061
insiste en condenar firmemente as sabotaxes realizadas contra as
ambulancias asistenciais da Rede de transporte sanitario urxente,
incluso en datas como onte, nas que non existía convocatoria de
folga. Ademais, lembra a necesidade dun comportamento responsable
durante a negociación do convenio colectivo entre a patronal e os
técnicos en emerxencias sanitarias que realizan o servizo de
transporte sanitario urxente e non urxente en Galicia.
A
negociación do convenio colectivo de transporte de enfermos e
accidentados en ambulancia de Galicia constitúe
un asunto estritamente privado,
das empresas do sector e das organizacións sindicais con
representación nas mesmas, que debe ser compatible co respecto aos
bens e as persoas.
Picadas
nas rodas
Á
marxe da convocatoria de xornadas de folga, desde as 00.00 horas ata
as 23.59 horas de onte, sábado 8 de xullo, rexistráronse sabotaxes
con picadas nas rodas en 20 ambulancias asistenciais da
Rede de transporte sanitario urxente con base nos concellos de Ordes,
Sada, Tomiño, Vimianzo, Vilalba, Santiago, Carballo, Pontevedra, O
Porriño, Baiona, A Coruña (en catro ocasións) e Vigo (en seis
ocasións).
Todos os vehículos substituíronse no menor tempo posible e seguiron
prestando asistencia sanitaria con normalidade.
A
Fundación Pública Urxencias Sanitarias de Galicia-061 continúa a
traballar, de xeito responsable e comprometido coa poboación, para
garantir a cobertura sanitaria ás urxencias e ás emerxencias, e que
as continuas sabotaxes non prexudiquen nin a calidade do servizo nin
o dereito dos cidadán a recibir a asistencia sanitaria máis
adecuada ás súas necesidades.