A
Xunta de Galicia vén de publicar a resolución do proceso de
contratación co que adquiriu por 301.108 euros un novo equipo de
tomografía axial computerizada (TAC) para o Hospital
Público de Verín. Este
novo equipo está destinado a renovar a tecnoloxía xa dispoñible no
hospital
que xa contaba cunha antigüidade superior aos 15 anos.
O
contrato de adxudicación fixaba un prazo de cinco meses para a
entrega deste equipamento, pero neste caso será o Hospital Público
de Verín o primeiro centro sanitario de Galicia no que se instalará
un dos novos TACs xa que ten data de chegada a finais deste mes ao
Servizo de Radioloxía e preves a súa entrada en funcionamento a
mediados do mes de setembro despois das reglaxes, calibracións e a
formación do persoal correspondente.
Este
novo TAC (Siemens Somaton go Top Cardio) do Hospital Público de
Verín permítirá realizar unhas exploracións cunha excelente
calidade de imaxe, con doses moi baixas de radiación e cunha gran
velocidade na realización das probas, reducindo a aparición de
artefactos xerados (distorsión da imaxe) e dispoñendo dun tubo
curto cunha ampla abertura, para reducir a sensación de
claustrofobia nos pacientes.
Este
investimento entran dentro dos que está a tramitar a Xunta este ano,
por valor de máis de 60 millóns de euros destinados a canalizar os
fondos Next Generation da Unión Europea para a renovación de
equipamento sanitario. A través deles abordou a renovación dos TACs
dos sete hospitais comarcais galegos.
Aposta
da Xunta polos hospitais comarcais
Esta
nova adxudicación demostra tamén a aposta que está a levar a cabo
a Xunta polo equipamento dos propios hospitais comarcais. A esta
renovación dos TACs súmase á dotación de máis equipamento
propio, como os equipos radiocirúrxicos mercados en 2021 cun
investimento de 4,3 millóns, dos que sete foron para os hospitais
comarcais.
Tamén
o ano pasado a Xunta destinou seis millóns de euros para a
subministración de ecógrafos para os servizos de radiodiagnóstico
e urxencias. Deles, nove distribuíronse nos hospitais comarcais.
Neste
plan de renovación e modernización tecnolóxica, a Xunta tamén
adxudicou por 1,4 millóns de euros a renovación das lámpadas
cirúrxicas dos quirófanos. Nesta licitación están incluídos
igualmente os hospitais comarcais.
Con
todo este investimento, a Xunta consolida a equidade no acceso á
alta tecnoloxía e á mellora da calidade asistencial e a seguridade
dos pacientes e profesionais tamén nos hospitais comarcais, que
contan con magníficos profesionais que poden empregar toda esta
tecnoloxía ao servizo da cidadanía.